المواطن بدا كايشوف التغير في الحياة اليومية ديالو والقدرة الشرائية ديال لمغاربة تزادت مور داك 100 درهم ديال الدعم لي غادي تزيدها لينا الحكومة

 

.

الحمد لله الخدمة  ديال حكومة المنصوري ولقجع بدات كاتبان والمواطن بدا كايشوف التغير في الحياة اليومية ديالو والقدرة الشرائية ديال لمغاربة تزادت مور داك 100 درهم ديال الدعم لي غادي تزيدها لينا الحكومة والأسعار ديال المواد الغذائية الأساسية طاحت بزاف كولشي ولا رخيص وفابور الدجاج داير غير 27 درهم 😉

أما واحد لالة مطيشة 🍅 ولات فابور غير 13 ولا 14 درهم للكيلو رخا رجع  كايخلع المواطنين ….

أما إلا بغيتي تنوض صباح وتفطر بشي أمليط هو هداك راه لبيض ولا تقريبا مجاني غير 42 درهم لبلاطو غير لي مابغاش يعيش وبلا مانهضرو على لحوايج لخرين كولشي ولا فالمتناول ديال المواطن المغربي وبالأخص ناس لي خدامين سميك غادي يتبرعو وغادي يعيشو الحياة الكريمة اللّٰه يخلي لينا الحكومة ديالنا راهوم عاجبينا…